У межах плана мерапрыемстваў, прысвечаных Дню талерантнасці, упраўленнем па адукацыі, спорце і турызме Чэрвеньскага райвыканкама 18 лістапада ў Дзяржаўнай установе адукацыі “Сярэдняя школа № 4 г. Чэрвеня” была праведзена дыялогавая пляцоўка “Патрыятызм – фундамент дзяржаўнасці”. У ёй прынялі ўдзел прадстаўнікі сістэмы адукацыі, кіраўнікі навучальных устаноў горада, ваеннага камісарыяту, царквы, грамадскіх арганізацый, навучэнцы – усе тыя, хто мае непасрэднае дачыненне да патрыятычнага выхавання.
Адбылася цікавая і змястоўная размова па дадзенай тэме, якая ў сучасных умовах набывае вастрыню і актуальнасць: “Што такое патрыятызм сёння? Якімі сродкамі яго фарміраваць? Хто такі патрыёт?”).
Гэта быў цікавы і жывы дыялог, у якім, нягледзячы на рознасць думак, была агучана дамінуючая: патрыятызм – гэта самаахвярнае служэнне сваёй Радзіме, яе народу, дзеля будучыні і незалежнасці.