Ірына Мікалаеўна ЗМАЧЫНСКАЯ,

начальнік упраўлення па адукацыі, спорту і турызмеу Чэрвеньскага райвыканкама:

– Шаноўныя сябры, паважаныя калегі, навучэнцы, бацькі!

Ад усёй душы віншую вас з цудоўным святам – Днём ведаў!

Мы ўсе разам выпраўляемся ў самае цікавае падарожжа, дзе кожны абавязкова знойдзе для сябе штосьці патрэбнае, карыснае, захапляльнае.

Другога верасня ва ўсіх навучальных установах празвініць першы званок. Для кагосьці ён будзе самым першым у жыцці, для кагосьці – трэцім, пятым, а для кагосьці і адзінаццатым.

А на першым уроку мы пагаворым аб тым, чым нам варта ганарыцца і што патрэбна берагчы.

Жадаю ўсім мудрасці, бадзёрасці і аптымізму, шчырай зацікаўленасці, узаемнай павагі і душэўнай раўнавагі, а таксама моцнага здароўя, дабрабыту і пабольш нагод для радасці.

Няхай гэты навучальны год стане для ўсіх нас годам новых дасягненняў і цікавых адкрыццяў.

Добрага шляху ў Краіну Ведаў!