Бяспека дзіцяці з'яўляецца асноўным звяном у комплексе яго выхавання. Перад усімі бацькамі паўстае пытанне, з якога ўзросту можна пакідаць дзіця дома аднаго.
Тут адназначна можна сказаць, што дзеці дашкольнага ўзросту павінны знаходзіцца пад наглядам дарослых. Дзеці ва ўзросце да 7 гадоў праяўляюць непасрэдную цікавасць да навакольных прадметаў (электрапрыбораў, відэатэхнікі і г.д.). Часцей за ўсё дзеці атрымліваюць траўмы з-за сваёй дапытлівасці, рухомасці, самаўпэўненасці, недахопу жыццёвага досведу.
Прыбярыце колючыя, рэжучыя прадметы, запалкі і запальніцы. Лекі і сродкі бытавой хіміі захоўвайце ў недаступных для дзяцей месцах.
Дзеці пачынаюць разбірацца ў лічбах значна раней, чым у літарах, таму распавядзіце дзіцяці, куды яму звяртацца ў выпадку небяспекі.
Напішыце на паперы чатыры асноўныя тэлефоны: пажарнай службы, хуткай дапамогі, міліцыі і службы газу. А каб дзіцяці было лягчэй разабрацца, намалюйце каля кожнага нумара малюнак (напрыклад, побач з тэлефонам 101 – запалку).
Трымайце на бачным месцы нумары тэлефонаў суседзяў, сяброў, свае працоўныя тэлефоны, каб у выпадку небяспекі дзіця магло з кімсьці звязацца.
Сыходзячы з дому нават на непрацяглы час, зачыніце вокны, балкон, выключыце ваду, газ, электранагравальныя прыборы. Калі мяркуеце, што вернецеся зацемна, уключыце святло ва ўсіх пакоях, дзе можа гуляць дзіця.
Зачыняючы дзверы, нагадайце дзіцяці, каб ён нікому са старонніх дзверы не адчыняў.
Дзіця лепей засвоіць правілы, калі зымітаваць магчымыя небяспечныя сітуацыі ў выглядзе гульні і прыцягнуць да яе чальцоў сямейнікаў і яго сяброў.
разгарнуць » / « згарнуць