Пра тое, як гэта было, – у нашай фотасправаздачы.
...Сапраўднае свята традыцыйна адчувалася ўжо на падыходзе да раённага Цэнтра культуры і адпачынку.
Інтэрактыўныя пляцоўкі ўстаноў дашкольнай адукацыі, прэзентацыя педагагічнага вопыту і дасягненняў устаноў агульнай сярэдняй, спецыяльнай адукацыі, Чэрвеньскай ДЮСШ, прафсаюзных пярвічак…
Давайце прагуляемся па выставе і паглядзім, якія ў нас таленавітыя педагогі, чым натхняюць дзяцей і колькі цікавостак ёсць у кожнай навучальнай установе Чэрвеньшчыны!
Спартыўныя пляцоўкі, Ліска з лісянятамі, батлейка, марская тэма, забаўляльныя і развіваючыя гульні...
І нават цэлы цырульніцкі салон для юных модніц!
Шахматная каралева і дзяўчынкі, шчыра захопленыя гэтай гульнёй...
Дарагія сябры, а вы хацелі б сфатаграфавацца... са святам?!
Такая магчымасць сёння была ва ўсіх ахвочых!
Звярніце ўвагу на... надпіс!
А шмат каму проста хацелася зрабіць фота на памяць!
Каб потым убачыць сябе ў Telegram-канале.
Заўсёды калі ласка!
Тут і згуртаванасць калектыву, і асаблівасці навучальных устаноў, і прафсаюзныя ініцыятывы...
Вы не паверыце, але да нас на раённую жнівеньскую педагагічную канферэнцыю прыехаў сам Антон Сямёнавіч Макаранка, вядомы савецкі педагог і пісьменнік!
А якую цікавую ажыўленую гутарку завязала з ім начальнік упраўлення па адукацыі, спорту і турызму Чэрвеньскага райвыканкама Ірына Мікалаеўна Змачынская!
Здаецца, Антон Сямёнавіч шчыра здзівіўся такой цікавасцю да сваёй творчасці...
Дарэчы, размова была відавочна карысная для абодвух бакоў...
Што ніколі не выйдзе з моды?
Згуртаванасць калектыву, інтэлектуальныя гульні і, уласна, сама мода...
Калі авіямадэляванне руліць!
Раённая педагагічная канферэнцыя – гэта, апроч іншага, цудоўная магчымасць для педагагічных калектываў сустрэцца адно з адным.
І ў той жа час пацікавіцца здабыткамі іншых. У каго аграклас, у каго абагульненне вопыту...
І спорт таксама не забыты...
І самае каштоўнае, вядома, спалучэнне маладосці і вопыту!
Ну што ж, дарагія сябры, мы прагуляліся па наваколлі раённага Цэнтра культуры і адпачынку, агледзелі інтэрактыўныя пляцоўкі...
Надышоў час зазірнуць у фае, дзе таксама ёсць цікавосткі.
Тут прадстаўлена панарама літаратурных твораў “Дзецям – пра вайну”, падрыхтаваная ўстановамі агульнай сярэдняй адукацыі, і панарама казачных твораў “Дабро і зло”, падрыхтаваная ўстановамі дашкольнай адукацыі.
Кожная ўстанова творча падышла да прэзентацыі работ, склаўшы па матывах свае фотагісторыі.
З аднаго боку – фота вокладкі, а з другога – рэальныя дзеці і дарослыя, якія ператварыліся ў літаратурных персанажаў!
І, як вы ўжо здагадаліся, мы нарэшце ўваходзім у залу Цэнтра культуры і адпачынку, дзе перад пачаткам мерапрыемства можна было пазнаёміцца з “Падарожжам дылетанта па навучальных установах Чэрвеньскага раёна”.
Але вось і пачатак канферэнцыі...
На сцэне – прадстаўнікі розных нацыянальнасцяў, якія жывуць у міры і згодзе на гасціннай чэрвеньскай зямлі.
Якая прыгожая кампазіцыя!
Вядучыя цёпла вітаюць усіх прысутных.
Гучыць гімн Рэспублікі Беларусь.
На сцэну запрашаецца начальнік упраўлення па адукацыі, спорту і турызму Чэрвеньскага райвыканкама Ірына Мікалаеўна Змачынская, каб падвесці вынікі мінулага навучальнага года і пазначыць задачы на будучы.
Яе даклад суправаджаецца інфарматыўнай і маляўнічай прэзентацыяй на вялікім экране.
У зале няма абыякавых!
Дарэчы, асаблівасць канферэнцыі сёлета – наша родная беларуская мова!
Яна гучала з вуснаў вядучых, з вуснаў Ірыны Мікалаеўны, з вуснаў спевакоў...
І гэта было так годна і цудоўна!
Адным з яскравых момантаў канферэнцыі, несумненна, з'яўляецца ўзнагароджанне лепшых з лепшых.
Радасна за калег!
Яшчэ адзін музычны нумар таксама дорыць цудоўны настрой...
З прывітальным словам да ўдзельнікаў канферэнцыі звяртаецца старшыня Чэрвеньскага раённага Савета дэпутатаў Ларыса Віктараўна Ефіменка.
Сярод іншага яна распавядае пра тое, як важна добра сустрэць маладых спецыялістаў на іх першым працоўным месцы...
Наступную цырымонію ўзнагароджання праводзіць Ларыса Віктараўна Ефіменка.
І гэты музычны нумар проста пакарыў усіх прысутных!
А мы зноў віншуем нашых калег, якія атрымалі заслужаныя ўзнагароды!
Маладыя спецыялісты на сцэне! У вялікай і дружнай педагагічнай сям'і Чэрвеньшчыны папаўненне!
Іх вітае Ірына Пятроўна Хендогіна, настаўнік геаграфіі і біялогіі сярэдняй школы № 2 імя А.К. Флегантава г.Чэрвеня.
На памяць аб падзеі маладым спецыялістам уручаюцца падарункі ад Чэрвеньскай раённай арганізацыі Беларускага прафесійнага саюза работнікаў адукацыі і навукі.
Слова ў адказ – ад Анастасіі Канапакі, маладога спецыяліста. А мы працягваем захапляцца талентамі Чэрвеньшчыны!
Афіцыйная частка канферэнцыі завяршаецца...
Гучыць Дзяржаўны гімн Рэспублікі Беларусь...
А мерапрыемства працягвае цудоўны канцэрт.
І ўсе нумары прыгожыя, яркія, таленавітыя, крэатыўныя!
Ну як тут не падпяваць?! Гэта ж цуд!
А гэта знакаміты на ўсю Беларусь і не толькі “Сланечнік” – словы Леаніда Пранчака, музыка Віталя Карпанава, саліста “Драздоў”.
І, нарэшце, брэнд адукацыі Чэрвеншчыны!
Асабіста я магу слухаць і глядзець суткамі запар!
БРАВА!!!
Мы шчыра дзякуем усім, хто браў удзел у арганізацыі і правядзенні нашай жнівеньскай настаўніцкай канферэнцыі!
Атрымалася годна, сапраўды якасна, ярка, душэўна, маштабна…
І мы сапраўды АДЗІНАЕ ЦЭЛАЕ!
Святлана Адамовіч.
Фота аўтара