3 верасня ў сярэдняй школе №1 г.п.Смілавічы адбылося мерапрыемства «Беларускае пісьменства – крыніца культуры і духоўнасці», прысвечанае Дню беларускай пісьменнасці і друку. Удзел у свяце прынялі навучэнцы і настаўнікі ўстаноў адукацыі г.п.Смілавічы і в.Заполля. Да мерапрыемства былі падрыхтаваны выставы дэкаратыўна-прыкладной творчасці выхаванцаў Цэнтра творчасці дзяцей і моладзі імя Х. Суціна. Вучні распавядалі пра гісторыю свята, чыталі вершы, завочна знаёміліся з горадам Добрушам. А пасля з цікавасцю слухалі іерэя Мікалая, які прадставіў старынныя Часаслоў і Евангелле. На свята быў запрошаны наш зямляк, пісьменнік, драматург, перакладчык Г.Аўласенка. Ён рассказаў аб тым, як стаў пісьменнікам, як нараджаюцца вершы. Сціплы чалавек, ён проста і з гумарам распавядаў пра гісторыі сваіх герояў, чытаў вершы. Праз усё мерапрыемства чырвонай ніткай праходзіла думка: беларускае слова – праўдзівае, чыстае, шчырае – яднае ўсіх, прыдае веры, надзяляе сілай, вучыць быць сапраўдным грамадзянінам – беларусам!