Каманда юнакоў Чэрвеньскага раёна, укамплектаваная вучнямі Запольскай школы і СШ №1 г.п.Смілавічы, паспяхова выступіла на абласных спаборніцтвах па валейболу ў праграме Алімпійскіх дзён моладзі сярод спартсменаў 2001-2002 гадоў нараджэння, якія прайшлі ў Салігорску.
На групавым этапе яна заняла першае месца, абыграўшы з аднолькавым лікам 2:1 каманды Жодзіна і Слуцка, дзе, у адрозненне ад нашага раёна, ёсць аддзяленні валейболу ў спартыўных школах.
У паўфінале нашы юныя валейбалісты прайгралі будучым пераможцам спаборніцтваў, камандзе Стоўбцаў – 0:2. А ў матчы за трэцяе месца ва ўпартай барацьбе саступілі барысаўчанам (лік па партыях 27:29; 27:29) і, такім чынам, сталі чацвёртымі на Міншчыне.
Аляксандр МІЦКЕВІЧ, інструктар-метадыст фізкультурна-спартыўнага клуба пры аддзела адукацыі, спорту і турызму райвыканкама